TXAPELA BURUAN ETA IBILI MUNDUAN!

IKASLE ATZERRITARRAK

Ikasle etorkin hauen jatorriari dagokionez, Hego Amerikatik eta Ertamerikatik heltzen da kopururik handiena, erdia baino gehiago hain zuzen. Afrikarrek osatzen dute bigarren talderik zabalena eta hauen artean magrebiarrak dira gehiengoa. Europa ekialdetik eta Asiatik etorritako ikasle kopurua ere nabarmena da. Europar Batasunetik eta Ipar Amerikatik etorritako ikasleak ere badaude, baina kopuruz gutxiago dira eta, agian, beste era batera onartzen ditugu.

Ikastetxe sareen arteko banaketari dagokionez, gehiengoa ikastetxe publikoetan matrikulatzen da: batez beste, % 70 Araban, Bizkaian eta Gipuzkoan; Nafarroan zertxobait altuagoa da portzentaia.

Hizkuntza ereduei dagokionez, adierazgarria da nola bideratzen duten A edo B ereduetara ikasleriaren gehiengoa. Bizkaian, Gipuzkoan eta Araban, % 65 A ereduan matrikulatzen da eta gutxiengoa D ereduan. Nafarroari dagokionez, gehiengoa A edo B ereduetan matrikulatzen da. Joera honen atzean dauden arrazoiez eta sortzen diren arazoez eta kezkez geroxeago hitz egingo dugu.

EUSKARAREN ERABILERA

Kalean euskararen erabilera gora doa, Euskal Herri osoko datuak kontuan izanda. Baina motel ari da igotzen erabilera; 17 urtetan %3,4 baino ez da handitu euskararen presentzia kaleetan --duela sei urtetik hona, %0,7 besterik ez--. Kalean entzuten ditugun ehun elkarrizketatik, euskaraz 14 besterik ez dira egun. Herrialdeen artean alde handiak daude, halaber. Gipuzkoa da euskara gehien erabiltzen den eta erabileran gorakada handiena izan duen herrialdea. Araban, Bizkaian eta Nafarroan igoera trabatuago dago. Eta, urteotako joerari jarraiki, Ipar Euskal Herriak eman du berriz ere daturik kezkagarriena: euskararen erabilera behera doa, etenik gabe. Oro har, euskararen ezagutza eta erabilera ez dira maila berean igotzen ari, nabarmen. Bizkaian, esaterako, hamar euskaldunetik seik kalean ez dute euskara erabiltzen.

http://paperekoa.berria.info/harian/2007-12-01/014/005/euskararen_erabilera_ez_da_ari_igotzen_ezagutzaren_neurri_berean_kalean.htm

Adinekoek eta Internet

EUSTATek emandako datuen arabera, 50 urtetik gorako biztanleriak EAEko biztanleria osoaren ia %33 osatzen du, eta zifra hori handitu egingo da hurrengo urteotan, bizi itxaropenak izandako gorakadaren eta gure gizartea gero eta zaharragoa izatearen eraginez.

Teknologia berrien asimilazioa oso azkarra da eta aldaketa nabaria ekarri du, gizakiok komunikazioarekin ditugun harremanetara; hala ere, bai ezagupenik ezaren edo bai belaunaldi bakoitzaren kultur desberdintasunaren ondorioz, hirugarren adinak informazioaren gizartetik baztertuta gelditzeko arriskua dauka.

Heziketa iraunkorra izan behar da bizitza osoan, eta, horrenbestez, hirugarren adina ez da albo batera  utzi behar; errealitate horretaz ondo jabetzen garenez, adineko pertsonen esku jarri nahi dugu teknologia berrien erabilera, gero eta pertsona kopuru handiagoak erabilitako baliabidea baita. Hortaz, adineko pertsonei estrategiak planifikatzeko, interes berriak sustatzeko, jarduera berriak garatzeko, jarduera fisikoa zein burukoa bultzatzeko eta astialdia betetzeko laguntza eman behar diegu. Halako adinetan, garrantzitsuena ikaskuntza esperientziak eskaintzea eta inguru aberatsa nahiz sustagarria mantentzea da. Astialdirik handiena duen taldea adineko pertsonena dela kontuan hartuta, orain arte ukitu gabeko helburu berriak eta erakargarriak bilatu behar dira. Proiektu honen bitartez, halako pertsonen kezkei erantzuna eman eta, gainera, euren astialdia betetzeko nahiz autoestimua handitzeko modu berria aurkituko dugu. Adineko pertsonek gauza ezezagunei beldur dietela ikusi dugu, eta, segurutik, baliabide berriok erabiltzeko gaitasunik ez dutela uste izango dute; horrenbestez, gure iritziz, teknologiaren arloko hezkuntza ondo justifikatuta dago. Gazteek mundu horretan sartzeko duten erraztasuna, berriz, belaunaldien arteko urruntzearen adierazlea izan daiteke: adineko pertsonak Internetera hurbiltzeko proiektu hau gazteen eta zaharren arteko harremanak hobetzeko ate irekia izan daiteke.

 



escuela tradicional vs escuela 2.0

BELAUNALDI GALDUAK

Hezkuntza aurrekontuetarako laguntzak murriztu dituzte herrialde garatuek bankuen zuloak ordaintzeko, eta, laguntza ez iristea nahikoa izango ez balitz bezala, herri garatuen funtzionamenduaren menpeko diren ekonomietako gobernuek gastu publikoa murriztu dute, baita eskolarako ere; eta eskaintza pribatua ez da sartzen jatekorik ez dagoen etxeetan: haur asko eskolatik ateratzen ari dira gurasoak.

Hezkuntza lege berria (LOMCE)

Hezkuntzaren Kalitatea Hobetzeko Lege Organikoaren arabera, Derrigorrezko Bigarren Hezkuntza gainditzeko eta Batxilergoa edo Lanbide Heziketa egiteko azterketa bat egin beharko dute ikasleek. DBHko batez besteko notak % 70eko balioa izango du eta azterketak, % 30ekoa.

Batxilergoak bost adar izango ditu: Zientzia eta Ingeniaritza, Osasunaren Zientziak, Humanitateak, Artea eta Giza Zientziak. Batxilergoa amaitzean, selektibitatea ordezkatuko duen azterketa bat egin beharko dute ikasleek. Batxilergoaren batez besteko notak % 60ko balioa izango du eta azterketak, % 40koa.
Lehen Hezkuntzako ikasleek ebaluazio bat izango dute hirugarren mailan, hizkuntza komunikazioan eta matematiketan arazorik duten ikusteko.
Seigarren mailan, beste ebaluazio batek jarritako helburuak lortu dituzten neurtuko du, DBHra pasatzeko gai diren jakiteko.
Lehen Hezkuntzan ere, Ingurunearen Ezagutza bi irakasgaitan banatuko da: Natur Zientziak eta Giza Zientziak. Horrez gain, Herritartasunerako Hezkuntza kendu egingo dute, Heziketa Zibiko eta Konstituzionala jartzeko.
Gobernuaren aburuz, LH "modernizatu" egingo da; izan ere, sektore profesional bakoitzaren arabera, irakasgai instrumental zehatzagoak eskainiko dituzte, eta hurrengo mailetan jarraitzeko hautagaizko irakasgaiak egiteko aukera ere izango dute ikasleek.
Ebaluazioei eta sarrera probei dagokienez, gainditzen ez dituzten ikasleek edo emaitzak hobetu nahi dituztenek hurrengo deialdietan errepikatzeko aukera izango dute.
Hezkuntza administrazioek hezkuntza sexuen arabera bereizita eskaintzen duten zentroekin hitzarmenak egin ahalko dituzte, betiere hezkuntzan bazterketen kontrako borrokari buruz nazioarteko konbentzioan jasotakoa betetzen badute.

Bidea igotzeko proba